Denne veka er det jordbærfestival i Valldal, og mange seljarar har sett opp bodene sine. Men bankkort kan du ikkje betale med etter klokka 15.00.
Datatrøbbel rammar no turist- og jordbærbygda Valldal.

Kvar dag når klokka slår 15 slag er det over og ut for minibankar og betalingsterminalar i bygda.

Ein kan no ikkje gå tilbake til den tida der ein bytte sau mot pels og så vidare, det går ikkje, seier ein oppgitt ordførar, Bjørn Inge Ruset.

Ordførar i Valldal, Bjørn Inge Ruset er glad i jordbær, men han vil ikkje la turistane få krite jordbær på vegen, sjølv om det kan vere vanskeleg å betale på andre måtar.

Vi må ha stabil dekning snart, og det er klart at det ikkje kan vere slik at forbipasserande italienarar kan få krite jordbær på vegen. Sjølv om vi er veldig snille og er stolte av bæra vår her inne, så gjer vi ikkje det, altså.

Bensinstasjonen tek no imot både euro og svenske kroner frå turistar som ikkje kan nytte bankkorta sine.

Restauranteigar Kjell Arne Valldal seier det går på omsetnaden laus.
Dei dagane vi har hatt størst problem har vi vorte nøydde til å sende kundar vidare. Det ser vi på omsetnaden når vi gjer opp kassa for dagen.

Forklaringa Telenor har gitt til folk i Valldal held ikkje mål i følgje ordføraren.
Valldal, som ligg heilt inne i arma av Storfjorden som går inn til Geiranger, får besøk av tusenvis av turistar om sommaren.

Telenor vil no rute om trafikken for å sikre stabiliteten for breibandsabonnenter i Valldalen, og i følgje informasjonssjef Knut Sollid skal dette bli ordna innen 13. august.

I mellomtida leitar ordførar Bjørn Inge Ruset framleis etter svar på det mystiske datatrøbbelet i Valldal.

(NRK)

Kan det være nabokommunen som står bak..
Er misunnelsen så stor – mystisk er det!